«D’Muusfalle» isch zuegschnappet...

U wider isch e Theatersaison z’Änd... Dr letscht Vorhang isch gfalle (bi üs müesst’s zwar ehnder heisse :
ds letschte Black isch Würklechkeit worde...).Tuusigundeinefüfzg Ytritte hei mer dörfe verzeichne - das isch e nöie Rekord !
Merci all de tröie Theaterbsuecher, intressierte Zueschouer, junge u alte TGB-Fans !
Ou all üsne grosszügige Schponsore gebührt e Riise-Dank !
Ohni ihri Ungerschtützig wär e settegi Produktion mit allem Drum u Dra gar nid müglech.

Nach dr letschtjährige Publikums-Befragig, wo dr Wunsch nach ere Kriminal-Komödie dütlech worde-n-isch,
hei mir is ab em Herbscht hinger das legendäre Agatha Christie-Schtück gwagt.
Glücklech sy mer gsi, dass mer die bärndütschi Version vom Alec Brönnimann hei dörfe bruuche -
so hei mer doch meh oder weniger alli chönne rede, wie-n-is dr Schnabu gwachse-n-isch
(Usnahme beschtätige o hie einisch meh d’Regel...).

Nach vilne Schtunde Tägscht- u Probe-Arbeit sy mer üsem Ziel immer necher cho :
e packendi, schpannendi u doch witzegi Inszenierig vo däm Klassiker uf d’Bühni z’bringe...
D’Lacher, ds Schmunzle, die fragende Gsichter i dr Pouse u dr schier nid ändend wollend Byfall
vom Publikum hei-n-is o dismal Rächt gä : es isch einisch meh dr richtig Wäg gsi.

Müed, aber zfride u glücklech tröime mir scho jitze dr nechschte Saison entgäge -
schwär i dr Hoffnig, dass mer ou nächschts Jahr uf üser gliebte KGH-Bühni uf de Brätter,
 wo für üs d’Wält bedüte, chöi schpile.

Bruno Chapuis (alias Willi, ein komischer Kauz)

Vorhang
drwecker
TGB_Logo Transparent

Impressione vo dr Muusfalle

D Muusfalle

Ankunft Maurer

Auer Weyermann

Brähm Beschwerde Weyermann 2

C Weyermann Telefon

Ehepaar Weyermann 1

Kocher Tisch

Mauer Zeitung

Paravicini Vorstellen

Wachtmeister Maurer

Weyermann Zeitung

Logo-Amathea-CMYK_BWeiss_klein
Logo-ZSV_BTransp_klein1